Сиам эгиздеринин бири Гита медреседе билим алууда

Кыргызстан Мусулмандарынын дин башкармасынын окуу бөлүмүнүн башчысы Акимжан ажы Эргешов Ош шаарындагы “Саида Хадича” кыздар медресесинде окуп, Куран жаттаган Сиам эгиздеринин бири  Гита Резахановадан кабар алды.

Бул тууралуу муфтияттан билдиришти.

Гита Резаханова “Саида Хадича” кыздар медресесинде билим алуу менен биргеликте араб тилин дагы мыкты деңгээлде  өздөштүрүүдө. Муну менен катар ал китеп окуу боюнча бир нече конкурстарга катышып, байгелүү орундарга ээ болгон. Сиам эгиздеринин бири  Гитага Муфтияттын окуу бөлүмүнүн башчысы Кыргызстан Мусулмандарынын Дин Башкармасынын атынан акчалай жардам жана китеп белек кылды.

“Ош облусундагы диний окуу жайлардагы кошумча кесиптик билим берүү долбоорунун ишке ашуусун көзөмөлдөө жана тажрыйба алмашуу учурунда атайын Гитага зыярат кылып, анын ал абалынан жана окуусунан кабар алдым. Гита айым абдан жакшы окуп жаткандыгына күбө болуп, өзүм аябай ыраазы болдум. Эң жетишкендиги 30 пара Куранды жаттап алыптыр. Гита айым кээде түгөйү Зитанын түшүнө кирип, Куран жаттагынына ыраазы болгондугун укканымда көзүмө жаш тегеренди,-деди Акимжан ажы Эргешов.

Кыргызстанда сиам эгиздери Зита жана Гита Резахановалар 1991-жылы төрөлгөн. Алар бир табарсык, эки бөйрөк, үч бут менен төрөлгөн. Алар 2003-жылы Москвадагы Филатов ооруканасында ажыратылган. 2015-жылы эгиздин түгөйү Зита кайтыш болгон.

 

Бизде көп көрүлгөн видеолор

Инфографика