Момбеков: окуучулар күнүнө 7 сомдук, ИИМдин иттери 100 сомдук тамак ичет

Рыскелди Момбеков абактагылар менен окуучулардын тамак-ашына бөлүнгөн каражат тууралуу маселе көтөрдү.

Жогорку Кеңештин депутаты Рыскелди Момбеков окуучулар менен абактагыларга жана ИИМдин кинологдорунун иттеринин бир күндүк тамагына бөлүнгөн каражаттын айырмачылыгын айтып берди.

Бүгүн, 11-сентябрда, Жогорку Кеңеш билим берүү жана илим министри кызматына Каныбек Исаковдун талапкерлигин карады.

Момбеков Исаковдон окуучулардын бир күндүк тамагына бөлүнгөн акчанын суммасын сурап, “жети сом” деген жоопту алды. Эл өкүлү ошондой эле абактагылардын бир күндүк тамагына деп 70 сом караларын билдирди. Ошол эле учурда Бишкектеги №5 улуттук гимназиянын жатак интернатында окуучулардын күнүмдүк ичип-жегенине 60 сом каралганына токтолду.

“Президенттер, премьерлер, спикерлер бүткөн №5 гимназиянын жатак интернатында окугандарга бир күнгө 60 сом бөлүнөт. Ал эми ИИМдин кинологдорунун иттерине күнүнө 100 сом каралат. Карап көрүңүз. Балдарга кайырчыларга окшотуп садага берип жатабыз, иттерге эт берип жатабыз”, — деди Момбеков.

Эл өкүлү №5 интернат-гимназиясында окуган балдардын ичкен-жегенине бөлүнгөн каражатка бир көз салып коюуну өтүндү.

Булак: Sputnik

Бизде көп көрүлгөн видеолор

Инфографика

Пикир калтыруу

avatar
  Subscribe  
Notify of