БШК: 12-апрелде өтүүчү жергиликтүү кеңештерге 340 479 шайлоочу добуш бере алат

Борбордук шайлоо комиссиясы (БШК) 16-февралда тараткан маалыматта айтылгандай, 12-апрелде өтө турган жергиликтүү кеңештерге добуш берүүчү шайлоочулардын баштапкы тизмеси түзүлүп бүттү. Ага 340 479 шайлоочу катыша алат. Бул жалпы шайлоочулардын 10% түзөт. Боршайкомдун маалыматына караганда, 12-апрелде добуш берүүгө шайлоо укугу бар, катталган жерине жараша жана биометрикалык каттоодон өткөн жарандар катыша алат.

БШК баса белгилегендей, катталган жерин өзгөрткөн жарандардын паспортуна атайын белги коюлушу зарыл. Андай белгиси жок шайлоочулар добуш берүүгө киргизилбейт.

22-февралдан тартып шайлоочулардын тизмеси тиешелүү шайлоо участокторунда илинет. Добуш берүүчүлөр 27-мартка чейин ошол жерден өздөрүнүн аты-жөнүн тактаса болот. Же онлайн түрүндө www.tizme.gov.kg сайтынан, ошондой эле 119 номуруна түз чалып, тактай алышат.

Пикир калтыруу

avatar
  Subscribe  
Notify of