Баткенде кыргыз-тажик чек ара сүйлөшүүсү башталды. Кыргыз тараптан кимдер катышууда?

Баткен шаарында бүгүн 21-февралда кыргыз-тажик өкмөт аралык чек ара сүйлөшүүсү өтүп жатат. Ага Кыргызстандын жана Тажикстандын премьер-министрлеринин орун басарлары Акрам Мадумаров жана Азим Иброхим катышууда.

Тажик вице-премьери өз сөзүндө эл арасында ишенимди калыптандыруу керек экенин, эки тараптуу жумуш тобунун ишине да эл ишениши зарылдыгын айтты. Ошону менен катар ал жолугушуунун жыйынтыгы менен макулдашууга келип, документ кабыл алуу керектигин белгиледи.

Кыргыз тараптан сүйлөшүүгө Тажикстандагы элчи Жаныш Рустенбеков, Баткен облусунун башчысы Алишер Абдрахманов жана өкмөттүн чек ара маселелери боюнча атайын өкүл Назирбек Бөрүбаев катышууда.

Кыргыз-тажик мамлекеттик чек арасын делимитациялоо жана демаркациялоо боюнча өкмөт аралык комиссиянын буга чейинки жыйыны Тажикстандын Исфара шаарында 4-5-февралда өткөн.

Анда ортодогу маселелерди чечүү жаатында жалпы түшүнүү жана каалоо бар экени айтылган.

Кыргызстан менен Тажикстан чек ара маселесин чечиш үчүн эки жерди алмашуу боюнча бир пикирге келгени январь айында кабарланган. Мындан тышкары чек арадагы 114 чакырым жер эки өлкөнүн бардык карталары боюнча туура келгени жана аларды бекитсе болору айтылууда.

Бизде көп көрүлгөн видеолор

Инфографика

Пикир калтыруу

avatar
  Subscribe  
Notify of